Сырбай Мәуленов атындағы №37 мектеп-лицей

2022-2023 оқу жылы бойынша есеп

Мектеп туралы жалпы мәлімет

 Мектеп-лицей  директоры:             

Тулеуова Кулжан Дарбаевна

Оқыту тілдері:     қазақ, орыс

Жалпы сынып саны – 150                    

Жалпы оқушы саны — 4563

1994-2023 ж.ж.: 

«Алтын белгі» иегерлері -69  

«Үздік аттестат» иегерлері — 83

______________________________________________________________

Мектеп миссиясы:

Біз үздіксіз даму үшін оқимыз!

Мектеп жұмысындағы басым бағыт:

Педагогтердің кәсіби деңгейін көтеру

Оқытудың ақпараттық-коммуникациялық технологияларын енгізу

Жаһанданудың даму деңгейіндегі заманауи білім жүйесі қазіргі кездегі барлық ақпарат кеңістігіндегі мүмкіндіктер мен оны қолданудың қажеттілігін жете түсінеді. Осыған орай кез келген  іс – шаралар – сабақтар, сыныптан тыс жұмыстар, оқыту семинарлары, ата – аналар жиналыс  АҚТ қолдануды талап етеді. Біздің мектеп мұғалімдері жоғары кәсіби деңгейде АҚТ  қолдану қажеттілігінің маңызын біледі. Сырбай Мәуленов атындағы мектеп педагогтары заманауи білім технологияларын 100 пайыз меңгерген. 

Компьютерлендіру және ақпараттандыру туралы ақпарат:

— ақпараттық-әдістемелік қамтамасыз ету — бар

— педагогтердің пайдаланушылық іскерліктері-иә

— компьютерлік сыныптар мен компьютерлік техника саны — 5 компьютерлік сынып: 

№ 212 кабинет (16+1); 

№ 214 кабинет (16+1), 

№ 202 кабинет (19+1), 

№ 204 кабинет (15+1),

№207 кабинет (моноблок-1, нетбуктер-19),

  Сатып алынды:

Барлығы мектеп бойынша 784 компьютерлік техника саны.

— компьютерлік жабдықтарды, оның ішінде интерактивті тақталарды пайдалану тиімділігі-100%;

— компьютерлік жабдықтың, оның ішінде интерактивтік тақтайлардың жұмыс жағдайы (48 дана) – компьютерлік жабдық 100% жұмыс, және интерактивтік тақталардың бағдарламалық қамтамасыз етуі-100% жұмыс;

— компьютерлік бағдарламалардың әртүрлілігі-информатика кабинеттеріндегі бағдарламалар тізімі:

1. LEGO MINDSTORMS Education EV3
2. Movavi Video Editor Plus
3. Paint.NET
4. Scratch 3
5. SketchUp 2020
6. VideoPad Video Editor
7. Thonny Python IDE for beginners
8. ОС Windows 7 Профессиональная
9. Borland Delphi 7
10. CorelDRAW
11. Google SketchUp 8
12. Inkscape 0.91
13. Java
14. Lazarus
15. Microsoft Office
16. Movavi Video Editor Plus
17. Pascal ABC
18. Python 3.7
19. Scratch
20. Shadow Defender
21. Win RAR

— тиісті жоғары білімі бар информатика мұғалімдері — 10

— СОР пайдалану (интерактивті түрде оқытуды қамтамасыз ететін оқытылатын пәндер және (немесе) модульдер бойынша дидактикалық материалдар: фотосуреттер, бейнефрагменттер, статикалық және динамикалық модельдер, виртуалды шындық және интерактивті модельдеу объектілері, дыбыс жазбалары және өзге де цифрлық Оқу материалдары). 

Мектепте 5 жаңа модификация кабинеттерінде (математика, физика, химия, география, қазақ тілі) интерактивті панельдері бар, 3D-сахнасы мен анимациясы бар виртуалды және интерактивті 3D-ортада дағдыларды пысықтауға арналған «Roqed» сияқты бағдарламалық қамтамасыз етілген. Бұл қосымша физика, химия, биология, география мұғалімдеріне қызықты және интерактивті сабақтар, виртуалды эксперименттер, зертханалық жұмыстар жүргізуге мүмкіндік береді. 

Bilimland білім беру порталы, «Кунделик» қосымшалары-видео сабақтар, https://www.okulyk.kz, smk.kz, ustaz.kz, nao.kz, infourok.ru.

— Интернет желісіне қолжетімділік бар, 3 нүкте 100 Мбит/с, 40 Мбит/с , 40 Мбит/с ;

— электрондық оқу басылымдарының (ЭАИ) және электрондық оқыту мультимедиялық бағдарламаларының (ЭОМП) саны-1315. 2022 жылдың наурыз айына қазақ және орыс тілдерінде оқытатын информатика-1, 3 5, 6-сыныптар оқулығына электрондық тасығыштардың саны

Сапалы білім беруді қамтамасыз ету

Жалпы орта білім туралы «Алтын белгі» аттестатын алған түлектер үлесі – 1,9%. 1994 жылдан  бастап 64 түлек «Алтын белгі» аттестат иегерлері.

Жалпы орта білім туралы үздік аттестатын алған түлектер үлесі – 2,2%.  74 оқушы  «Үздік аттестат» иегерлері.

Биылғы оқу жылы бойынша қосымша білім берумен қамтылған оқушылар үлесі пайыздық көрсеткішпен есептелініп отыр. Қала көлеміндегі түрлі жобалау орталықтарына қатысатын, шығармашылық орталықтар мен спорттық секцияларға баратын оқушылар, мектепішілік ақылы және ақысыз үйірмелерге қатысатын оқушылардың саны жыл басына қарағанда арта түскен. Мұны қалалық, республикалық, халықаралық деңгейдегі түрлі шығармашылық және спорттық байқаулардың санының артуымен байланыстыра аламыз. Қаншалықты талап күшейген сайын, оқушыларымыздың да жауапкершілігі де арта түскенін байқадық.

Қала көлеміндегі үйірмелер бойынша оқушылар үлесі

Барлығы-4563 оқушы, оның ішінде 1044 оқушы -22,8%

Мектепішілік үйірмелер бойынша оқушылар үлесі 

Барлығы-4563 оқушы, оның ішінде 1497 оқушы -32,8%

№1 Өнер мектебімен бірлескен жұмыс

Барлығы-4563 оқушы, оның ішінде 114 оқушы -2,4%

«Қосымша білім беру қызметтері мен шығармашылық технологиялар академиясы»үйірмелер бойынша оқушылар үлесі

Барлығы-4563 оқушы, оның ішінде 487 оқушы -10,6 %

Білім беру процесін кадрлармен қамтамасыз ету

2022-2023 оқу жылындағы 

кадрмен қамтамасыз ету

Біліктілігін арттырған педагогтердің % мөлшері

Педагогикалық тәжірибе тарату

Психологиялық қызмет

   Мектеп психологиялық қызметінің мақсаты– білім беру ұйымдарында білім алушылардың психологиялық денсаулығын сақтау, қолайлы әлеуметтік-психологиялық жағдай жасау және білім беру үдерісіне қатысушыларға психологиялық қолдау көрсету.

Психологиялық-педагогикалық бақылаудың автоматтандырылған жүйесі «АСППМ HR+» сауалнамалар жинағы және Амалтея диагностикалық кешені көмегімен жүзеге асырылды:

1. Орта буындағы оқытуға бейімделу үшін 5-сыныптың диагностикасы. 
2. Мектеп мотивациясының диагностикасы жүргізілді 5-11 сынып .

1. Мектептегі мазасыздану тесті Филлипс  5-7 сыныптан 415 оқушы қатысты;

1. Оқу мотивациясын анықтауға арналған сауалнама (Спильберг-Андреева)  9-11 сыныптар.
2. Тұлғаның кәсіби түрін, мамандық таңдауға дайындықтың кәсіби бағдарын анықтау ДДО, 9-11 сынып.
3. Оқушылардың интеллектуалдық деңгейінің дамуын зерттеу.(Э.Ф.Замбацявичене)  3-4 сынып.

1. Мазасыздық, агрессивтілік Басса-Дарки деңгейінің диагностикасы 7-9 сынып.
2. «Ағаштағы адамдар» диагностикасы 2-3 сыныптар.
3. «Менің мектебім» диагностикасы 1сынып. Қатысқан 364 оқушының мектепке дайындығының көрсеткіш нәтижесі.

1. САН диагностикасы  11 сынып.

Қазақстан Республикасы Үкіметінің 2020жылғы 30 наурыздағым №156 қаулысымен бекітілген 2020-2023 жылдарға арналған Бала құқығын қорғауды күшейту жөніндегі Жол картасын орындау аясында Астана қаласы әкімдігінің «Әдістемелік орталығы» және «Bilim Foundation» қорымен бірлесе отырып кәмелетке толмағандардың аутодеструктивті мінез-құлқының алдын алу мақсатында, кәмелетке толмағандар арасында суицидтің алдын алу психологиялық жағдайды диагностикалау желтоқсан-наурыз айларында жүргізілді. Диагностикаға ата-анасының келісімі бар 1392 7-11 сынып оқушылары қатысты. Нәтижесінде: 

«ҚАУІП ТОБЫНДАҒЫ» БАЛАЛАРға
Медициналық фактор: Денсаулық ерекшеліктері бар балалар (зағип, саңырау, зияткерлік бұзылулар, ДЦП, балалар аутизмі және т. б.)
Психологиялық фактор: Зияткерлік, эмоционалды және мінез-құлық салаларының дамуында психологиялық бұзылулар бар балалар
Әлеуметтік фактор: Қолайсыз отбасылардан шыққан балалар; Жетім балалар;
Педагогикалық тұрғыдан қараусыз балалар жатады.

  Ата-аналармен жүргізілген жұмыстар:

1. Жалпы мектептік және сыныптық ата-аналар жиналыстарында сөз сөйлеу
2. Сынып жетекші мен ата-аналардың сұранысы бойынша балаларға арналған жеке кеңестер
3. Ата-аналар жиналысы барысында «Оқушылардың адаптациясы» (1,5 сыныптар), «Буллинг, кибербуллингтің алдын алу және интернет кеңістігіндегі қарым-қатынас ережелері» 5-8 сынып, «Жасөспірімдік кезеңнің жас ерекшеліктері» (7-8 сынып), «Девиантты мінез-құлықтың алдын алу» (6-7 сынып), «Емтихандарға баланы дайындау»  ( 9-11 сынып) тақырыптарында жүргізілді.

Мектеп ұжымымен жүргізілген жұмыстар барысында «Эмоционалды күйзеліс синдромының алдын-алу және мұғалімдердің психикалық денсаулығын қолдау үшін жағдай жасау», «Педагогтің психологиялық салауаттылығы» тақырыбында психологтармен бірлескен жұмысты ұйымдастыруда мектебіміздің белсенді ата-анасы, кәсіби практик-психолог Таңшолпан Аушахманова оқу-ағарту бағытында жүргізді.

Мектептегі профориентациялық жұмыстың мақсаты:

Нақты оқушыға икемділігі мен қабілеттілігіне қарай мамандығын таңдауға көмектесу.

Оқушылармен жұмыс түрлері :

1. Мамандықтар туралы ақпарат

2. Сауалнама

3. Лицей, колледждерге ЖОО-мен кездесу 

4. Ашық есіктер күндеріне саяхат

5. Мамандық туралы сынып сағаттары

Оқуға қайда бару керек?

Сен болашақ мамандығыңды таңдадың ба? Енді сіз қайда және қалай оқитыныңызды білудің уақыты келді. Интернеттен қара, сенің болашақ мамандығың бойынша қандай ЖОО-лар дайындайды?

Мамандықты және өмірдегі жолды таңдау оңай емес, қателік қымбатқа түсуі мүмкін. Көбінесе, кім болғысы келетінін білмейтіндер жиі кездеседі, көпшілікпен бірге немесе ата–аналарының кеңесі бойынша, немесе жинаған ұпайларымен қабылдайтын оқу орны принципімен жүреді.

Кәсіптік бағдар беру жұмысы аясында мектебімізде Тамақтану және сервис колледжі, техникалық — механикалық, Астана профи, жоғары медициналық, Тұран колледжі, менеджмент, бизнес және білім колледжі, Индустриалды инженерлік-экономикалық колледжі, Заң-экономикалық колледжі, Д.А.Қонаев атындағы колледжі, көлік және логистика Академиясы, Яссауи атындағы Қазақ-Түрік Халықаралық Университеті, С.Сейфуллин атындағы Қазақ аграрлық университеті өкілдерімен және т.б жоғары оқушыларымен кездесу өтті. Кездесу барысында оқушылармен мамандықтарымен таныстыру және әңгімелесу форматында ұйымдастырылып, сондай-ақ оқу орындары туралы ақпараттық буклеттер, сыйлықтар таратылды.

2022 жылы педагогикалық мамандықтарға түсуді жоспарлап отырған 9 және 11 сынып оқушылары туралы мәліметтер:

Мектептегі психологиялық қызмет 9-11 сынып оқушыларымен бағдарлы оқытуға даярлық жұмыстарын жүргізеді. 9-шы сынып оқушыларынан қабілет ерекшеліктерін және мамандыққа бейімділігін анықтау мақсатында қыркүйекте А.Е.Климованың әдісі бойынша «Қызығушылық картасы» сауалнамасы алынды. Жұмыстың нәтижесі оқушыларға ұсынылып, мамандық таңдау бойынша сұрақтарына жауап беріліп ағарту жұмысы жүргізілді. 

11 сынып бітірушілердің ұлттық бірыңғай тестілеуге және қорытынды аттестаттауға психологиялық дайындығына көмек көрсетуге арналған жұмыстар да жоспарға сай өткізілді Мемлекеттік емтихандарға дайындық кезінде психоэмоционалдық жүктемесінің алдын алу мақсатында «Бітіру емтихандарына қалай дайындалуға болады?», «Мамандық және еңбек нарығы, беделді мамандықтар» тақырыбында әңгіме-дәрістер өткізілді. «Өзіңізге деген сенімділігіңіз қандай» сауалнамасы алынды. Сауалнама нәтижесі бойынша оқушылардың өзіне сенімділігі қалыпты екені көрінді, оқушыларға дайындықты ертерек бастап, қалай, қай жақтарда дайындық жүргізуге болатыны туралы кеңестер айтылды. «Оқушы портреті» әдістемесі алынып әр оқушыға карта толтырылды. Скрининг тесті бойынша жоғары деңгейлі қорқынышы бар оқушы анықталған жоқ.  Түлектерді психологиялық-педагогикалық ағарту мақсатында «Емтиханға психологиялық дайындық», «Болашаққа жоспар» тақырыбында баяндама оқылып,   болашаққа перспективалық жоспар құрылып, ағарту жұмысы жүргізілді.

Нәтижесінде оқушылар жыл сайын әр түрлі мамандықтарды таңдап келеді. 2022 – 2023 оқу жылында оқушылар туризм және менеджмент, маркетинг, IT – технологиялар, психология, халықаралық қатынастармен байланысты заманауи мамандықтарға ие болғысы келеді.

Жыл сайын оқушылар тек Қазақстанда ғана емес, сонымен қатар елден тыс жерлерде сұранысқа ие мамандықтарды таңдайды. Мамандық таңдау әр түрлі және жан – жақты болады. Оқушылардың өзін – өзі анықтау үшін мектепте оқытылатын пәндердің кез келген мамандыққа сабақтастығы қажет. Қосымша курстарға бару және түрлі мамандармен танысу. Өндірістік кәсіпорындармен, колледждермен, мекемелермен және т. б. мектеп педагог – психологтары жыл сайын Кәсіптік бағдарлы психологиялық тесттер мен мамандықтар әлемін тану үшін дамыту сабақтарын өткізеді, бұл дегеніміз түлектердің кәсіби бағыттарында маңызды рөл атқарады.

Мектепті материалдық-техникалық қамтамасыз ету

2022-2023 оқу жылының соңындағы жағдай бойынша мектепте 4 жабдықталған пәндік кабинет бар: Roged виртуалды зертханасымен жабдықталған физика, биология, химия, география, Интернет желісіне қосылған 67 оқу компьютері бар 4 жабдықталған информатика кабинеті; әрбір кабинетте 15 оқу орнынан жалпы санына есептелген 2 мультимедиялық кабинет. Мектеп бойынша компьютерлердің жалпы саны — 784.

Жалпы ауданы 1224 шаршы метр 3 жабдықталған спорт залы жұмыс істейді.Мектепте пәндік кабинеттерде орналасқан 41 интерактивті тақта жұмыс істейді.

 Қару-жарақ бөлмесімен арнайы жабдықталған АӘД кабинеті бар.

Мектеп бейнебақылау жүйесімен толық жабдықталған (85 камера тағы 24 камера (ЖБО), барлығы 109 камера, олар ғимараттың периметрі бойынша, мектептің ішінде де, сыртында да орналасқан. Арнайы бөлінген үй-жайда бейнебақылау жүйелері бар. Жыл сайын сатып алуға қаражат бөлінуіне қарай мектептің материалдық-техникалық базасы жаңартылып, мүмкіндігінше жаңа жабдықтар сатып алынады.

2022 жылы орындықтары бар 76 оқушыға арналған бір орындық парталар, 147 дана орындықтар, 18 дана мультимедиялық компьютерлік парталар сатып алынды.

Қазіргі уақытта мектеп 3 Интернетке кіру нүктесімен жабдықталған. Кіріс жылдамдығы 60 Мбит/с, 100 Мбит/с, 40 Мбит/с, барлық компьютерлерді қоса отырып, жылдам интернетпен қамтылған.

Мектепті қажетті құрал-жабдықтармен, кеңсе және шаруашылық тауарларымен жабдықтауға қаражат құрылымдық бөлімшелердің басшылары берген өтінімдерге сәйкес бөлінеді.

Мектептің шұғыл қажеттіліктеріне қаржыландыру жыл сайын артып келеді.

Барлық құрал-жабдықтармен 1 робототехника кабинеті жабдықталған.

2023 жылға арналған бюджеттік қаражатты бөлу

Жалпы сома (қаржыландыру жоспары) – 1 788 380,5 мың теңге, бүгінгі қосымша келісім шарттың сомасын қосқанда.

Салықтары бар еңбекақы төлеу қоры –1 472 745,0 мың теңге

Тауарларды сатып алу – 6 689,0 мың теңге

Қызметтер мен жұмыстар – 40 063,1 мың теңге

1-4 сынып тамақтану – 207 176,0 мың теңге

Коммуналдық қызметтер – 27 641,0 мың теңге

Жаппай оқыту қоры – 29 815,0 мың теңге

Сондай ақ, Ағымдағы жөңдеуге – 30 302, 115 мың теңге, осы қаражатқа 2- ші және 3 – ші қабаттардың дәліздеріне, мектептің негізгі ғимаратының шатыр жабындысында орналасқан қар ұстағышына, мектеп ғимаратының негізді беттерін тақташалармен қаптау. 

Негізгі құралдар (күрделі шығындар) –  43 млн теңге жоспарланды. 

Күрделі шығындарға бөлінетін қаражатқа мектептің негізгі ғимаратындағы спорт залдарына күрделі жөңдеу жұмыстарын жүргізуді жоспарлап отырмыз. 

Ағымдағы және күрделі жөңдеу жұмыстарына қаражаттың бөлінуі Астана қаласы Білім басқармасының келісімі арқылы жүзеге асырылады. Қазіргі таңда ағымдағы және күрделі шығындарға бөлінетін қаражатты игеру мақсатында Білім басқармасына коммерциялық ұсыныстар мен сұраныс жіберілді. 

Кітапхананың материалдық-техникалық қамтамасыз етілуі

1. Компьютер   — 13 дана (интернетке қосылған)
2. Ноутбук        — 0
3. МФУ             -2 дана
4. Принтер        -1 дана
5. Интерактивная панель      — 1
6. Кітап қоры    — 80615 дана
7. Оқулыктар    — 77474 дана
8. Көркем әдебиеттер-3141 дана
9. Оқырмандар  — 2810 
10. Кітап берілу саны -142446 
11. Келушілер саны -9520
12. Қордың айналымдылығы-1,7
13. Кітаппен қамтамасыздандыру-27,5  

Білім алушылардың денсаулығын сақтау үшін жағдай жасау,

оқу-тәрбие процесіне қатысушылардың қауіпсіздігін қамтамасыз ету және еңбегін қорғауға жағдай жасау

Салауатты өмір салтын қалыптастыру жұмысында оқушылардың денсаулығын сақтау басты орында. Мектептегі денсаулықты сақтау бұл —  мектептегі оқу мен тәрбие үшін қолайлы жағдай құру, балалардың денсаулығын сақтау және нығайту, оқушыларды санитарлық-гигиеналық мәдениетке тәрбиелеу. Мұғалімдер білім беру барысын құру кезінде сыныптың ерекшеліктерін ескере отырып, сабақ өткізу кезінде гигиеналық және психологиялық-педагогикалық жағдайды, оқушылардың оқу қызметі жүйесінің функционалдық жағдайын сақтайды, оқу мәліметтеріне деген қызығушылықтың туындауына және сақталуына әрекет ететін тәсілдер қолданылады, білім алушылар өз болмыстарын көрсетуі үшін жағдайлар жасайды, денсаулықты сақтаудағы білім беру технологиялары енгізіледі. СЭЕмН (санитарлық-эпидемиологиялық ережелер мен нормалар) ережелеріне сәйкес оқу-тәрбие барысын ұйымдастыруда санитарлық-гигиеналық талаптар (мекемедегі сынып бөлмелерінің тазалығы мен тәртібі, жарықтандыру, температуралық және ауа тәртібі) сақталады. 

           Оқу сабақтарының кестесі оқу жоспарына және сабақтың ұзақтығына, үзіліс, сабақтың басталуы, оқу аптасы мен оқу күніндегі күрделі деңгейі бойынша пәндердің орналасуына қатысты талаптарға сәйкес келеді. Білім беру барысындағы субъектілерді оқушылардың денсаулық жағдайы туралы ақпараттандыру өз уақытылы жүзеге асырылады. Дене шынықтыру сабақтарымен қарсы көрсетілімдері жоқ барлық оқушылар қамтылған. Дене шынықтыру сабақтары барынша таза ауада өткізіледі. Білім беру барысында салауатты өмір салты  және теориялық білімдерді меңгеру мен тәжірибелік дағдыларды меңгеру бойынша оқушылардағы қажетті құзыреттіліктерді қалыптастыру  міндеттері сәтті шешімін табады. Оқушылардың денсаулығын сақтау үшін жағдайларды жасау мақсатында материалдық-техникалық база жетілдіріледі.  Спорт залдарына арналған құрал-жабдықтар алынды.

           Медициналық кабинет  алғашқы көмек көрсету үшін заманауи құрылғылармен, дәрі-дәрмектермен  толықтырылды.  Ерте кездегі ауруларға ерекше назар бөлінді. Жұмыс кестесіне сай бір топ қызметкерлердің шығуымен алдын алу тексерістері жүргізіледі, денсаулық топтары құрылады, жеке арнайы сауықтыру жоспарлары жасалынады. Диагностика және мониторинг жүйесі денсаулықты сақтау бойынша жұмыстың құрамды бөлігі болып табылады. Мектеп медбикелерімен көру мүшелерінің, сүйек-буын жүйесінің ауруларымен қиналатын, балалар санының төмендеу нәтижесін көрсететін  оқушылардың денсаулық мониторингісі жүргізіледі.

Мектеп оқушыларының денсаулығы туралы мониторинг

Талдау бұл аурулардың төмендегенін көрсетеді, мектептегі санитарлық тәртіптің сақталуын және тиісті алдын алу жұмыстарын түсіндіреді. 

Денсаулық – бұл тек аурудың жоқтығы емес, сонымен бірге адамның физикалық, әлеуметтік және психологилық үйлесімділігі. Сондай-ақ, адамдармен, табиғатпен, тіпті өз-өзіңмен  тілектестік қарым-қатынаста болу. 

Мектептің санитарлық-эпидемиологиялық талаптарына сәйкес желілік режим қамтамасыз етілген. Басты назар су ішу режимінің ұйымдастырылуына аударылған. Сыныптарда куллерлер орнатылған. Мектеп мейірбикесінің үздіксіз бақылауымен ғимаратта ылғалды тазалықтың жүргізілуі, жуғыш заттардың болуы, инвентарьлардың белгіленуі бойынша қолдануы  бақыланады. 

Сабақ кестесі, сабақтың жүргізілу уақыты, оқу жылы немесе апта бойынша пәндердің қиындық деңгейіне қарай орналастырылуы оқу жоспары мен нормативтік талаптарға сай жүргізіледі. Оқу процесін жүргізушілердің ат салысуымен оқушылардың денсаулық жағдайы бойынша мәліметтер уақытылы хабардар етіліп отырылады.  Теріс көрсеткіші жоқ оқушылардың барлығы дене шынықтыру сабағына қатысады. Дене шынықтыру сабақтары мүмкіндігінше таза ауада өткізіліп тұрады. 

Оқу процесін құрастырар кезде мектеп мұғалімдері сыныптың ерекшелігін, сабақ өткізудегі гигиеналық және психологиялық-педагогикалық жағдайды, сабақ уақытындағы оқушының функционалдық дайындығын, оқу материалына деген қызығушылықты арттыру жұмыстарын, денсаулық сақтаушы білім беру технологияларды енгізуге көңіл бөледі. 

Оқу процесін жүзеге асыруда оқушылардың бойында салауатты өмір салтын қалыптастыруға және теориялық білімді меңгеріп, тәжірибелік жұмыстарды орындауға  деген міндеттер жақсы орындалуда.  

Оқушылардың денсаулығын сақтау мақсатында мектептің оқу-материалдық базасы жаңаруда.  Спорт залдарына арналған инвентарь алынған. Медициналық кабинет арнайы медициналық дәрі-дәрмектермен, қажетті құрал-жабдықтармен қамтамасыз етілген. 

Сырбай Мәуленов атындағы № 37 мектеп-лицейінде қауіпсіздікті қамтамасыз ету бойынша атқарылған іс-шаралар

2022-2023 оқу жылында қауіпсіздікті сақтау мақсатында мұғалімдерден кезекшілік ұйымдастырылды. Әр ай сайын оқушылармен өрт қауіпсіздігі, жол жүру ережелері бойынша түсіндірме жұмыстарын жүргізді. 3 «Г» сынып оқушысы Алтынбек Жандарбекті 18.01.2023 жылы жаяу адам жүретін жолда автомобиль көлігі соқты, баланың жағдайы жақсы, ауыр жарақат алған жоқ. 

2022-2023 оқу жылында қауіпсіздікті сақтау мақсатында 2 рет эвакуациялау жүргізілд. Эвакуация уақыты І жарты жылдықта 5 минут, ІІ жарты жылдықта 4,5 минутты құрады. 

2022-2023 оқу жылында барлық санитарлық талаптар сақталды. 

Қазіргі таңда мектепте 109 бейнебақылау камералары бар, оның 24 камерасы ЖБО қосылған. 

Мектепте 7 турникет жұмыс жасайды.

«Батыр Секьюрити» ЖШС келісім-шарт жасалған. 

2022-2023 оқу жылының қорытындысы бойынша кәмелетке толмағандар полиция бөлімінің есебінде тұрған оқушылар жоқ.

2022-2023 оқу жылы

діни экстремизмнің алдын алу бойынша жүргізілетін жұмыс жоспары

2022-2023 оқу жылында діни атрибуттарын мектеп формасына қосатын 2 оқушы бар. Рзаева Амина 7 «М», Нұржан Латифа 5 «Г» сынып оқушылары. Ата –аналарымен және оқушылармен ҚР Білім туралы заңымен таныстыру әңгіме жүргізілді.

Сырбай Мәуленов атындағы №37 мектеп-лицейі

«Адал ұрпақ» бойынша жүргізілетін жұмыстың жоспары

«Парасатты  азамат» бұрышы

«Ақыл-парасат күші-адамның ойлауына, пайымдауына, ғылым мен өнерді ұғынуына және жақсы  қылық пен жаман қылықты айыруына көмектесетін  күш»         

Адамның дүние-өмір танымдық қуат көзі, нағыз адамдықтың негізі нәзік болмыс –ақыл, ес, ой – өріс, жад, түйсік және сезім. Мінез-саналы өмір жүйесінде нәзік болмыспен қабаттас дарыған, адамның табиғи қалпы, сыр-сипат, іс-әрекет, бет-бағдар ерекшеліктерінің психологиялық жиынтығы. Ақыл мен мінез кісіліктің парқын, парасаттылығы мен бітім-келбетін, өмірге жарасымдылығы мен қабілеттілігін анықтаушы, сондай-ақ бірін-бірі толықтырушы, жетілдіруші саналық категория болып саналады. 

Сырбай Мәуленов атындағы  №37 мектеп-лицей

«АДАЛДЫҚ ДҮКЕНІ» 

Мектеп – баланы тұлға ретінде қалыптастыруда өзіндік орын алатын қасиетті орын. Әр шәкіртінің жүрегіне ізгілік ұялата отырып, талай адами қасиеттерді оқушы бойына сіңіріп келе жатқан ұлағатты ұстаздарымыз бар. Адалдық, әділдік, парасаттылық секілді азаматтық қасиеттерді бала бойына сіңіруде айтып, үйретіп қана қоймай, көрсетіп, нұсқап, бағыт беріп те отырмыз. 

Оқушы бойына адалдық қасиеттерін қалыптастыру мақсатында Нұр-Сұлтан қалалық Сырбай Мәуленов атындағы  №37 мектеп-лицейде «Адалдық алаңы» жобасы ұйымдастырылған. Жобаға «Адал кітапхана», «Адалдық дүкені», «Парасатты азамат бұрышын» ұйымдастыру, «Адалдық сағаттарын» өткізу арқылы оқушы бойына академиялық адалдықты сіңіру кіреді. Осы орайда, біздің мектебіміз де өз жұмысын жоғары деңгейде атқарып келеді. «Астана – адалдық алаңы» жобасы аясында мектептің бос аймақтарын оқушы игілігі үшін пайдалану туралы ойларымыз жүзеге асырылуда.

Мақсатымыз оқушы санасына адалдық, әділдік қасиеттерін қалыптастыра отырып, руханияты жоғары, парасатты тұлға тәрбиелеумен байланысты.

Мектебімізде «Адалдық алаңын»  ұйымдастыру барысында «Ұлы дала ұлыларының» негізгі 4 құндылықтарын, яғни Адалдық, Сенім, Парасаттылық, Әділдікті  ұштастыра отырып ұйымдастырдық. Адалдық алаңының ашылуы былтырға оқу жылының қаңтар айынан басталды. 

Алаң аумағына «Адалдық дүкені», «Еңбек бәрін жеңбек» ағашы, «Демалыс алаңы»  және «Адал кітапхана» кіреді. 

«Еңбек бәрін жеңбек» ағашы оқушыларға адал еңбектің адам өміріндегі мәні, еңбек етуге деген қызығушылығын ояту, дамыту, сүйіспеншілікке тәрбиелеу үшін бейнеленген. Бұл еңбек ағашын оқушыларға логикалық ой тастау мақсатында қолданамыз. 

Оқушыларға сабақтан тыс және үзіліс арасында арнайы «Демалыс алаңы» ұйымдастырылған. Алаңда құстар бейнеленген. Құстар – махаббат пен сенімнің, тазалық пен кіршіксіздіктің, мейірімділік пен ержүректіліктің, бейбітшілік пен тыныштықтың белгісі ретінде сипатталады. Сондай-ақ, оқушылар отыратын жұмсақ кресло қойылған.

«Адалдық дүкенін» ашуда ерекше демеушілік көмек көрсеткен мектебіміздің Қамқоршылық кеңесі мен мектеп ата-аналары. Дүкеннен түскен пайданың 50%-ы қайтадан тауар айналымына жұмсалса, қалған 50%-ы мектебіміздегі тұрмысы төмен отбасыларға көмек көрсету үшін жұмсалады. Дүкеннің ерекшелігі сонда, технология пәнінде оқушылардың өз қолдарымен жасалған қолөнер бұйымдары қойылып, бағасын оқушылармен ақылдаса мектептің аға тәлімгері қояды. Жаңартылған «Адалдық дүкенінің» сөрелеріне мектеп логотипі мен мектеп атауы жазылған қаламсаптар, блокноттар, кружкалар, футболкалар, күнтізбелер және  «Ұлттық нақыштағы қойын дәптер» жобасы аясында оқушы өз қолымен дайындалған қолжазбалар, ұялы телефон қаптары т.б. заттар қойылды. «Адалдық дүкенінің» оқушыларымыз үшін тәрбие мекені болатынына сеніміміз мол.

Мектеп кітапханасының жанынан оқушыларға арналған «Адал кітапхана» атты бұрыш  ұйымдастырылған. «Адал кітапхана» аясында оқырман кітапханашының көмегінсіз өзі тіркеліп, белгілі бір мерзімге дейін кітапты алуына болады. Бұл жоба бір жағынан оқырмандардың жауапкершілігін арттыруға себеп болмақ. 

Ұрпағын жаман болсын деп тәрбиелейтін ұлт жоқ. Дегенмен, қазақ халқы «Баланы – жастан…» деп баланы жасынан адалдыққа, шыншылдыққа, имандылыққа, ізгілікке тәрбиелеген. Ал бұл тәрбие отбасынан басталып, мектеппен жалғасуы керек. Рухани-адамгершілік тәрбие осылай бірлесіп берілген кезде нәтижелі болмақ. Ата-ананың жақсы тәрбиесі мектептегі ұстаздарының өнегесімен ұштасып жатса тәрбиелі, озық ойлы ұрпақ өсіп шығатыны сөзсіз.

Сырбай Мәуленов атындағы №37 мектеп-лицейі «Бала құқығы – адам құқығы»  дүниежүзілік балаларды қорғау күніне байланысты жұмыс жоспары бір айға құрылып, тәрбие бөлімінің және сынып жетекшілердің, оқушылар мен ата-аналардың қатысуымен жүзеге асырылды.

«Право» қоғамдық қоры бірлесіп, кәмелетке толмағандардың құқықтарын қорғауды қамтамасыз ету саласындағы ынтымақтастық туралы меморандум шеңберінде 8-10 сыныптар арасында «Мектеп-қатыгездік пен зорлық-зомбылықтан азат аумақ» тақырыбында тренинг өткізілді. 

Мақсаты: 

* Мұғалімдердің, оқушылардың буллинг феноменіне байланысты проблеманың таралуы мен күрделілігі туралы хабардарлығын арттыру.

* Агрессивті мінез-құлықтың және көптеген көріністердің пайда болуына және сақталуына әкелетін механизмдерді түсіну деңгейін жоғарылату.

* Қабілетін қалыптастыру.

* Қорқытуға қарсы күрестегі жеке рөлдің маңыздылығын білу.

* Сыныптағы қорқыту мінез-құлқының алдын-алу және болдырмау үшін араласудың тиімді әдістерін білу. 

Оқушыларды тегін ыстық тамақпен қамтамасыз ету

Қазақстан Республикасы Білім және ғылым министірінің  2018 жылғы  31 қазандағы № 598 бұйрығына  сәйкес  Мемлекеттік орта білім беру ұйымдарында білім алушыларды тамақтандыруды  ұйымдастыру ,  сондай ақ,  мемлекеттік  мектепке  дейінгі  ұйымдарда, жетім балалар мен ата-анасының  қамқорлығынсыз  қалған  балаларға  арналған  білім беру ұйымдарында,  техникалық  және кәсіптік білім беру ұйымдарында  тәрбиеленетін және  білім алатын балаларды тамақтандыруды қамтамасыз етуге  сәйкес 2022 жылдың қыркүйек айындағы 2022-2023 оқу жылында  тамақтандыруды ұйымдастыру  туралы №331 бұйрығы  негізінде  оқушыларды санитарлық –гигеналық  талаптарды сақтай отырып  ыстық тамақпен  қамтамасыз етіп келеміз. Мектепте міндетті түрде ыстық тамақ  берілу қажет.  Мектепте дұрыс ұйымдастырылған тамақтану  оқушының  үлгерімі  мен жұмыс  қабілетінің  артуына  ықпал етеді .  Балалардың  дұрыс  тамақтануы  олардың  денсаулығын нығайтып,  дене дамуына  мүмкіндік береді  Мектебіміздің   оқушыларын  тамақтануын  ұйымдастыру  және бракераждық  комиссияның жұмысы үнемі бақылауда жүргізіліп отырды .

  1-қыркүйектен бастап  барлық  оқушылардың  тамақпен қамтылуына  басты назар аударып, яғни  1-4 сынып  оқушыларына , ақылы  және тегін  тамақтанатын  аз қамтылған  және  ата –анасының  қамқорлығынсыз қалған  жетім қалған оқушыларға  ыстық тамақпен қамтамасыз  етілуіне жетік көңіл  бөлініп келеді. Қазіргі таңда мектебімізде  1-4  сыныптар  арасындағы  күнделікті  ыстық  тамақпен қамтамасыз етілетін  оқушылардың  саны- 2061 ,  оның ішінде : бастауыш  қазақ сыныбы -680, бастауыш  орыс сынып оқушылары -1381.                        

 5-11 сынып  аралығындағы аз қамтылған  отбасы  оқушылар  арасындағы ыстық  тамақпен  қамтамасыз етілетін оқушылар саны – 151.

 Ата-ана қамқорлығынсыз қалған  оқушылар саны – 10 .

 Сонымен қатар, мектебімізде  оқу жылының басында  бракераждық  комиссияның  бір жылдық жұмыс жоспары құрылды. Комиссия  мүшелері  сол жоспарға сәйкес  жұмыстарын  жүргізді.  

Бүгінгі күнде мектеп асханасындағы тамақтандыру Қазақ тағамтану Академиясы тамақтану мәселелері институтының келісімімен, Білім басқармасының басшысымен бекітілген төрт апталық (жаз-күз, қыс-көктем) ас мәзірі негізінде жүзеге асырылады. Қаңтар айынан бастап бір күндік берілетін ыстық тамақ құны 584 теңгені құрайды. 

Мектебімізде 2022-2023 оқу жылында оқушыларды ыстық тамақпен қамтамасыз ету және асхана қызметін ұйымдастыруда жеке кәсіпкер «Болганбекова Н.Т.» қызметін көрсетуде. Мектеп асханасында 1 аға меңгеруші, 3 аспазшы, 2 наубайшы және 2 наубайшы көмекшісі, 1 үлестіруші, 4 ас үй жұмысшысы, 3 даяршы, 1 тазалық қызметкері және 1 буфетке жауапты қызметкер жұмыс жасайды. 

Асханамыздағы оқушылар тамақтанатын орындар саны – 300.

Ас әзірлейтін бөлік түрі – асхана.

Ас әзірлейтін бөліктің санитарлық-гигиеналық жағдайы санитарлық талаптарға сай келеді. Ас бөлмелерінде күнделікті тазарту жұмыстары жүргізіледі, әр сенбі күні санитарлық күн ұйымдастырылады. Қауіпсіздік техника ережелері сақталады, қызметкерлермен қауіпсіздік техникасы бойынша оқыту жиі өткізіліп тұрады. 

1-4 сынып оқушылары бекітілген кестеге сәйкес тамақтандырылады. Күніне 2 ауысым тамақтанады, әр аусымда 4 топ келеді. Барлық сынып жетекшілері оқушыларды асханаға ертіп, тамақтану кезіндегі оқушылардың тәртібін бақылайды. Сонымен қатар мектеп қызметкерлері мен оқушылары «Асханадағы техникалық қауіпсіздік шараларын ұйымдастыру», «Мектеп оқушыларының асханадағы тәртіп сақтау ережелерін» қатаң түрде сақтауы тиіс. 

Мектептегі оқушылардың уақытылы және сапалы тамақтануы мәселелерін шешу мақсатында мектеп директорының бұйрығымен бракераждық комиссия құрылды.

Комиссия мүшелері: 

1. Г.Д.Тулеуова – Бракераждық комиссия төрағасы;
2. А.Л.Соха – Қамқоршылық кеңесінің мүшесі;
3. Г.Т.Нургалиева – Қамқоршылық кеңесінің мүшесі;
4. А.С.Бибосинова – Қамқоршылық кеңесінің мүшесі;
5. К.Т.Тергембаева – ата-ана;
6. С.А.Рысбекова – ата-ана;
7. З.С.Алимова – директордың оқу-тәрбие ісі жөніндегі орынбасары;
8. К.Э.Мантиева – директордың тәрбие ісі жөніндегі орынбасары;
9. Б.С.Айтуганов – директордың тәрбие ісі жөніндегі орынбасары;
10. Ш.О.Жиенбаева – директордың оқу ісі жөніндегі орынбасары;
11. С.С.Едіге – директордың оқу ісі жөніндегі орынбасары;
12. А.Р. Мырзағұл– әлеуметтік педагог;
13. Д.Қ.Байдилдаева – әлеуметтік педагог;
14. Ж.О.Байлова – медбике;
15. Л.К.Нурмаганбетова – медбике.

Комиссия құрамы директордың бұйрығымен бекітілді. Комиссия құрамына қамқоршылық кеңесінің мүшелері, мектеп әкімшілігі, медициналық қызметкерлер және ата-аналар кіреді.

Сонымен қатар, оқу жылының басында бракераждық комиссияның бір жылдық жұмыс жоспары құрылды. Комиссия мүшелері сол жоспарға сәйкес жұмыстарын атқарады.

Айына 2 рет мектеп директорымен бекітілген кестеге сәйкес бракераж комиссия мүшелері асхананы тексеріп отырады. Тексеріс нәтижесі арнайы қала бойынша бекітілген «Тамақтану сапасының мониторинг» актісіне тіркеліп отырады. 

Комиссия мүшелерінің асхананы тексеру графигі

Бракераждық комиссия мүшелері төмендегідей бақылауларды жүзеге асырады:

• даярлаған астың сапасын;
• тамақтану графигінің сақталуын;
• тағам өнімдерінің құжаттарының болуы және сәйкестігі;
• тәуліктік және бақылау мәзірінің болуын;
• ас үйдің санитарлық жағдайын;
• қоймалық бөлмелерде азық-түліктердің дұрыс тіркелуін;
• азық-түліктердің сақталу жағдайы мен тұтыну мерзімін қадағалауды;
• ас үйге түсетін тез бұзылатын азық-түліктердің сапасын бақылау журналының дұрыс  әрі толық толтырылуын;
• бекітілген мәзір бойынша дайын ас көлемінің сәйкестігін;
• ас үй құжаттарының болуы мен толтырылу жағдайын, сонымен қатар ас үй қызметкерлерінің жеке медициналық кітапшасын;
• Аз қамтылған отбасындағы оқушылардың тамақтануына бөлінген қаражаттың тиімді қолданылуын бақылау;
• Асханаға әкелетін азық-түлікті және дайын тағамдардың тиімді қолдануын қадағалау;
• Мәзірдің бекітілген рационға сәйкестігін бақылау;
• Дайындаған тамақтың сапасын бақылау;
• Ас блогының санитарлық талаптарға сай болуын бақылау;
• Азық-түліктің мектепке түскен мерзімін, олардың сақталу және қолдану мерзімдерін қадағалау.

Педагогтер мен басшылардың кәсіби және жеке өзін-өзі көтеруі үшін жағдай жасау

      Мектептің 2022-2027 жылдарға арналған даму жоспары құрастырылып, осының негізінде мұғалімнің кәсіби деңгейін арттыру жұмыстары жүргізілуде. Бұл жұмысты AR, LS, 1,2,3 деңгей мұғалімдерінен құрылған мектепті дамыту тобы жүргізеді. 

1 базалық деңгей мұғалімдері– «Қоғамдастықтағы көшбасшылық»

2 базалық деңгей мұғалімдері– «Мектептегі көшбасшылық» 

«Рефлексивті мұғалім» тобының үйлестірушілері

«Құндылықтарға негізделген білім беру» жобасының үйлестірушілері

Мектептің 3-ауысымдық жұмыс режимін ескере отырып, мұғалімдермен тиімді шаралар өткізу үшін шағын топтар құрылған. 

Сырбай Мәуленов атындағы №37 мектеп-лицей

мұғалімдерінің шағын топтары

Мектепте  15  “Lesson  study”   тобы бар

“Lesson  study”   бастауыш сыныптар бойынша зерттеуге қатысатын сыныптар, пәндер және мұғалімдер 

1. 1.топ 

Зерттеуші мұғалімдер:  

Нығметжанова Г.М.

Елемесова А.Н.

Жусупбекова С.Р.

Сағындық А.Д.

2-топ

Зерттеуші мұғалімдер:  

Кенжебаева А.К.

Кенжебаева А.Б.

Бейсенбекова А.С.

3-топ

Зерттеуші мұғалімдер:  

Хамзина Р.У.

Тогузбаева А.М.

Султаналина К.Б.

4-топ

Зерттеуші мұғалімдер:  

Жумадильдина З.С.

Татыгужинова К.Қ.

Акпарова Б.Т.

Список групп LS в начальных классах с русским языком обучения на 2022 – 2023 учебный год

Lesson study бойынша зерттеуге қатысатын сыныптар, 

пәндер және пән мұғалімдері

Состав творческих групп LS в 5-9 классах с русским языком обучения 

Мектептегі ғылыми-әдістемелік жұмыс 

І. Курстық дайындық және қайта даярлау 

Оқу жылының басында біліктілікті арттыру курстарынан өту үшін мұғалімдердің тізімі бекітіледі, курстық даярлық жоспары бойынша өтінімдер беріледі. Келген мұғалімдердің барлығында біліктілікті арттыру курстары бола бермейді, жас мамандардың үлесі жоғары, сондықтан пәндер бойынша курстардан өткен мұғалімдердің пайызы баяу өсуде. Қала бойынша курстардан өтпеген мұғалімдердің көптігіне байланысты барлық тілек білдірушілер курстармен қамтылмаған. 2022-2023 оқу жылында 36 мұғалім әртүрлі курстардан өткенімен, бүгінгі күнге дейін 70 (жетпіс) мұғалім курстарға деген қажеттілікті сезінуде. Бұл мұғалімдерді жазғы уақытта және 2023-2024 оқу жылында курстармен қамтамасыз ету жоспарланып тұр. Өткен оқу жылында 4 мұғалім қайта даярлау курсында оқып шықты.

ІІ.Кәсіби шеберлік мектебі келесі бағыттарды негізге алды: «Шеберлер мектебі», «Тәлімгерлік мектебі», «Рефлексивті мұғалім», «Құндылықтарға негізделген білім беру». Біліктілігі бар 3 ұстаз шеберлер мектебінің модераторы болып, мұғалімдерге авторлық әзірлемелерді, ғылыми жобаларды жазуды үйретеді. Оқыту 2022-2023 оқу жылында каскадтық (мұғалім өзі үйрене отырып, басқаларды үйретеді) әдіспен өткізілуде. Тәлімгерлік мектебінде негізінен өз тәлімгерлерінің жетекшілігімен бастауыш және орта буынның жас мұғалімдері Lesson study әдісі аясында айналысады. 

IІІ. Педагогикалық тәжірибені тарату және жалпылау келесі деңгейлерде жүзеге асырылды:

— Мектеп деңгейінде әдістемелік бірлестіктер аясында, педагогикалық кеңестерде, мектеп сайтында «Онлайн мектеп, пән мұғалімдеріне және сынып жетекшілерге», «Гугл формамен жұмыс», “Работа на платформе IT EACH”, «Работа на платформах OneNote (Онноут), Jamboard (Джамборд), Miro» (Миро), «Дополнительные возможности  платформы   ZOOM»,  «Использование платформы  Ted-ed в дистанционном обучении»,  «Quizizz.com (Кюиззиз.ком ) сайтында онлайн сабақ әзірлеу», «Ізгілік педагогиканың негізгі идеялары» сияқты  және т.б. тақырыптық вебинарларға қатысу;

— Қалалық деңгейдегі вебинарларға қатысу;

-Республикалық және халықаралық деңгейде вебинарларға, бейнеконференцияларға, қатысу.

ІV. Астана қаласы Білім басқармасының және әдістемелік орталығының бұйрығына сәйкес мектеп келесі инновациялық жобалар аясында жұмыс істейді:» Share»,» құндылықтарға негізделген білім беру»,»Cisko». Мысалы, Share халықаралық жобасы қазіргі уақытта мектептегі білім беруді зерттеумен айналысатын 40-тан астам (қырық) мұғалімді біріктірді. Жүйелі оқыту жүргізілетін екі еріктілер тобы бар. Мұғалімдер микро зерттеулер жүргізеді, семинарларда өз тәжірибелерімен бөліседі. Share негізгі командасы және алғашқы ондық еріктілер Кембридж жаттықтырушылары мен қалалық хаб үйлестірушілері өткізетін тәлімгерлік сессияларға белсенді қатысады. Биыл 8-ші сынып оқушылары Global Scholars халықаралық жобасының жұмысына қосылды. Олар оқу жылы ішінде жобалармен жұмыс жүргізеді, ағылшын тілін меңгеруді дамытады. Келесі жылы бұл жоба өз жұмысын әрі қарай жалғастырады. 

V. Педагогикалық қызметкерлерді аттестаттау

2022-2023 оқу жылының күзгі аттестаттауы Министрлік бұйрығымен көктемге шегерілді, көктемгі аттестаттау кезеңінде 31 мұғалімнің санатын көтеру жоспарланып отыр. Қазіргі таңда ұжымда 235 мұғалім жұмыс істейді, оның ішінде:

75 (32%) – жоғары санатты, педагог-зерттеуші, педагог-шеберлер

52 (22%) – бірінші санатты және педагог-сарапшылар

49 (21 %) – екінші санатты және педагог-модераторлар

59 (25%) – санаты жоқ мұғалімдер

VI.Білім беру мекемесінің жетістігі мен бәсекеге қабілеттілігінің маңызды көрсеткіштерінің бірі – оқушылардың жетістіктері, пәндік олимпиадаларға, ғылыми жобалар мен ғылыми жұмыстар байқауларына, интеллектуалдық сайыстарға қатысу тиімділігі. 

Жыл сайын 5-6, 7-8, 9-11 сынып оқушылары арасында өтетін аудандық және қалалық олимпиадаларда оқушылар жүлделі орындарға ие болуда. Республикалық деңгейде 5 оқушы жетістіктерін көрсетті. 2-7 сынып оқушылары арасында өтетін «Зерде» зерттеу жұмыстарының байқауында  7 оқушы диплом мен грамоталармен марапатталды,  8-11 сынып оқушылары арасында дәстүрлі қалалық ғылыми жоба байқауында  5 оқушы дипломдармен және мадақтамалармен марапатталды.

Жыл сайын мектеп оқушылары «Астана дарыны» өткізетін                           «Алтын сақа» математикалық сайысына, «Әдебиет әліппесі» конкурсына т.б. қатысып, жүлделі орындарға ие болып келеді. «Елбасы медалі» байқауына 1 оқушы (11 сынып оқушысы Батталова Камила) қатысып, «Күміс медалін» иеленді. Жалпы 2022-2023 оқу жылында қалалық олимпиада мен конкурстарда 72 оқушы жеңімпаз, жүлдегер болып атанды, аудандық деңгейде – 50 оқушы.  

Сырбай Мәуленов атындағы №37 мектеп-лицей оқушыларының 2022-2023 оқу жылындағы 

олимпиада, зияткерлік сайыстардың нәтижелері 

Инклюзивті білім беруді іске асыру 

2018-2019 оқу жылынан бастап біздің мектепте инклюзивті қолдау кабинеті «Болашақ» корпоративтік қорының қолдауымен ашылды. Бұл барлық балаларға мүмкіндік береді, олардың интеллектуалды және физикалық мүмкіндіктеріне қарамастан, мектепте өздерінің құрдастарымен бірдей білім алуға. Инклюзивті білім, «Білім барлығына бірдей» парадигмасының құрамдас бөлігі болып табылады.

Сырбай Мәуленов атындағы №37 мектеп- лицейінің

инклюзияны қолдау кабинеті мұғалімдерінің  2021 — 2022 оқу жылындағы сапалық құрамы

2021 жылдың қыркүйегінен инклюзияны қолдау кабинетінде ЕБҚ 17 оқушы бар, оның 9-ы сыныптардағы сабақтарды жүйелі 80% қатысады. Бірінші күннен бастап мектепте оқушылармен фронтальды нұсқаулықтарды қабылдау бойынша жұмыс жүргізілуде ( бүкіл сыныптың аудиториясына арналған мұғалімдердің нұсқаулықтары). Жинақталған мәліметтер бойынша қорытынды жасауға болады:

Қарапайым фронтальды нұсқаулықтарды түсіну (тұрамыз, амандасамыз, кітаптпрымызды ашамыз/дәптер, тақтаға қарау, сөмкелерін жинау, т. с.с.) 19% — дан 21% — ға дейін өсті.

Сабақтағы академиялық материалдарды ауызша нұсқаулықтар бойынша түсіну «сауат ашу» өсті 10% — дан 12% — ға дейін,

«математика» 8% — дан 11% — ға.

ИҚК -дің барлық оқушылары сынып ішіндегі іс-шараларға белсенді қатысты. Балалар іс-шараның барысын қадағалап, оларға бағытталған нұсқауларды қабылдап, белсенді ойындарға қатысып, өлең айтып, ән айтып, би билей алды. Пара каратэдан қалалық жарыста оқушылар жүлделі орындарға ие болды: Смолыгин Илья 6л 1 орын үшін Грамота. Пара-каратэдан қала чемпионы, үлкен балалар жас санатында жұптық өнер көрсетті. Карагожин Альфараби 5Н 1 орын. Пара-каратэден қала чемпионы г. Ементаев Арслан 4Ж пара-каратэ бойынша 2 орын, Нұр-сұлтан Қ.орта жастағы балалар санаты бойынша жекелей сында. Абылай Әділжан пара-каратэ бойынша 4Н 3-орын, Нұр-сұлтан Қ. орта жастағы балалар санаты бойынша жекелей сында

Күн сайын ИҚК «жалпы сабақ»өтеді , онда оқушылармен күнтізбелік — тақырыптық жоспар бойынша айналысады, оның мақсаты:

— Өзіне-өзі қызмет көрсету дағдыларын алу;

— Академиялық дағдыларын дамыту, ынтымақтастық және өзара көмек;

— Фронтальды нұсқаулықтарды түсіну (бүкіл сыныптың аудиториясына арналған мұғалімдердің нұсқаулықтары);

— Алған білім мен дағдыларды шығармашылық шешімдерде қарапайым конструкторлық, көркем-конструкторлық (дизайнерлік), технологиялық және ұйымдастырушылық міндеттерді қолдана алу

Соңғы 3 жыл ішіндегі оқушылардың

оқу рейтингтік жоғары көрсеткіштері

2020-2021, 2021-2022,2022-2023 оқу жылдарындағы 

жалпы білім беретін оқу бағдарламаларын 

табысты меңгерген оқушылар үлесінің серпіні

     Үш жылғы білім беру сапасына салыстырмалы сараптамалық талдау жүргізу барысында барлық  буындарда оқушы саны өссе де, сапаның  жоғарлағанын көреміз. Электрондық күнделіктегі «Үй репетиторы» қолдана отырып, балалардың бағдарламалық міндетті білім деңгейін игеруі мүмкіндіктері арта түсті, өйткені бұл жағдайда оқушы үшін  қажет білімді өздігінше меңгеруіне  қолайлы жағдайлар туындалған. Әрбір баланың өзіндік бейімділіктері, мүдделері мен мүмкіндіктеріне сай білім алады. Сонымен қатар оқытуда, біз  оқушыларды оқытудың сапасын дамытуда педагогтар, оқушылар, ата –аналар  бір – бірімен әрқашанда кері байланыс ала алады. 

        2022-2023 оқу жылының 3 тоқсанның соңында келгендер мен кеткендерді есепке алғанда бастауыш сыныптарда – 2059 оқушы, орта сыныптарда – 2080 оқушы,  жоғары сыныптарда- 400 оқушы білім алып отыр. Оқу жылының басында 4563 бала болса, 3 тоқсан қорытындысымен бала саны 4539. 

       Мектебімізде ВКК және ПМПК ұсынған анықтамалардың негізінде  үйден 22 оқушы оқиды, оқу процесі ПМПК ұсынған бағдарламалар бойынша жүргізіледі.Ұсынылған анықтамалар негізінде ВКК және ПМПК инлюзивті білім алуда 26 оқушы, оның ішінде педагог-ассистенттердің сүйемелдеуімен 16 оқушы оқиды. 8 оқушы 1-4 сыныптарда, 8 оқушы 5-7 сыныптарда отыр. Мұғалімдер аурудың ерекшелігін, оқушылардың күн тәртібінің ерекшеліктерін ескере отырып, шамадан тыс жүктемелерге жол бермей балаларды оқытады. Ерекше білім беру қажеттіліктері бар үйде оқитын балалар үшін мұғалімдер оқу жүктемесі мен оқыған оқу материалын ескере отырып, БЖБ және ТЖБ-ның жеке бейімделген тапсырмаларын әзірлейді.

      «Білімді ұлт» сапалы білім беру» ұлттық жобасында жедел шешімдерді талап ететін және халықтың қажеттілігін қамтамасыз етуге бағытталған мәселелер бойынша мемлекеттік бағдарламамен сабақтастық сақталған.

Осыған орай жас ұрпақты тәрбиелеуде сапалы сабақтарды ұйымдастыру бүгінгі күннің басты талабы екені ескере отырып,    білім беру процесінің ұйымдастыруда әрбір мұғалім  мектептің миссиясын орындайды. Үлгермейтін және мотивация төмен оқушылардың білімін жетілдіруде әр мұғалімнің жеке жоспары бекітіліп, олқылықтардың орнын толтыру үшін жұмыстар атқарылды. 

Білім беру сапасын басқару

     Мектеп директоры К.Д.Тулеуовамен мұғалімдер, оқушылар, ата-аналар, педагогикалық қауымнан тыс қызметкерлерге жүргізілген кіріс сауалнамалардың негізінде мектептің даму жоспарына өзгертулер енгізілді. Сыныптардағы оқушылардың шамадан тыс көп болуы, педагог мамандардың жетіспеушілігі, асхана мен киімілгіштің және тағы да басқа шешілмеген мәселелер болуы  ата-аналардың мектеп әкімшілігіне және жалпы мектепке деген сенімсіздігін тудырды. 

      Мектептің оқу үрдісінің барлық субъектілеріне ашық болуы ең басты басымдығы болды. Туындаған келіспеушілік жағдайлар тез арада шешіле бастады.

Мектепте ұстаздардың, педагогикалық қауымнан тыс қызметкерлердің, ата-аналар мен оқушылардың іс-әрекеттерін белсендіру мақсатында «Үздік ұстаз», «Үздік қызметкер», «Үздік ата-ана», «Үздік оқушы» жобасы жасалды.

Келіспеушілік жағдайларды шешу және оның туындауының алдын алу үшін ата-аналарға  және оқушыларға арналған «Сенім поштасы» әрдайым ашық. Жас полиция көмекшілерінің, жол қозғалысы жас инспекторларының жасақтары құрылды.

    Ата-аналар ұжымымен жұмысты жақсарту және мектеп жұмысымен ата-аналарды ақпараттандыру  мақсатында оқу жылы басында сыныптардағы ата-аналар комитетінің төрағаларының қатысуымен «Ашық есік күні» өткізіліп, мұғалімдердің сабақтары, психологтар, кітапханашылар және әлеуметтік педагогтардың шебер-сыныптары және де үйірмелер мен секциялардың жұмыстары көрсетілді.  Ашық есік күні өткізілген соң әр сыныпта ата-аналар жиналысы өткізілді. Оқу жылы соңында да Ашық есік күнін өткізу жоспарланып отыр.     

         Мектебімізде 2016-2017 оқу жылынан бастап Қамқоршылық кеңесі өз  жұмысын жүргізіп келеді. Қамқоршылық кеңесін құрудағы басты мақсатымыз мектептің оқу-тәрбие үрдісін дамыту, оқушылардың қызығушылығы мен құқықтарын қорғау, әлеуметтік жағынан аз қамтылған отбасы құрамына енетін балаларға қамқорлық көрсету және ата-ана мен педагог қызметкерлер арасындағы қарым-қатынасты жолға қоюдағы басты серіктес табу болды. 

       Қамқоршылық кеңесінің құрамында тек ата-аналар ғана емес, қоғамда өзіндік орны бар басқа да өкілдер бар. Себебі қамқоршылық кеңесінің жалпы жұмысы бірнеше бағыттарды қамтиды. Атап айтқанда, қиын балалармен жұмыс, әлеуметтік жағынан аз қамтылған отбасы балаларымен жұмыс, мектептің материалдық-техникалық базасын нығайту жұмыстары, оқушының бос уақытын дұрыс ұйымдастыру жұмыстары, сол сияқты қабілеті жоғары балаларды қолдау шаралары секілді бағыттар аясында жұмыс жүргізіліп отыр. Тағы бір айта кететін жайт, қамқоршылық кеңесі мектептің оқу-тәрбие үрдісіне ғана емес, мұғалім беделін көтеруде де басты серіктес тіпті әріптес болып отыр деуге болады.

Қамқоршылық кеңесінің

2022-2023 оқу жылына жұмыс жоспары 

СЫРБАЙ МӘУЛЕНОВ АТЫНДАҒЫ №37 МЕКТЕП-ЛИЦЕЙДІҢ

ҚАМҚОРШЫЛЫҚ КЕҢЕСІНІҢ ҚҰРАМЫ